राष्ट्रीय पुरस्कार प्राप्त गायिका सावनी रविंद्रने घेतली सुप्रसिद्ध गायिका श्रेया घोषाल यांची भेट

एका पुरस्कार सोहळ्यात गायिका सावनी रविंद्रने सुप्रसिद्ध गायिका श्रेया घोषाल यांची भेट घेतली. त्या भेटीनंतर सावनीने सोशल मीडियावर काही फोटोज शेअर केले आहेत. सावनीच्या चाहत्यांनी ‘दोन‌ राष्ट्रीय पुरस्कार विजेत्या गायिका जेव्हा भेटतात’ अश्या कमेंट्स करून त्यांनी सावनीला खूप शुभेच्छा दिल्या.

राष्ट्रीय पुरस्कार प्राप्त गायिका सावनी रविंद्र या भेटी विषयी सांगतात, “माझ्यासाठी हा क्षण स्वप्नवत होता. कारण, आजपर्यंत लहानपणापासून श्रेयाजींची हजारो गाणी मी आत्मसात करण्याचा प्रयत्न केला आहे. मला नेहमीच त्यांच्या विविध भाषेतील गाण्यांचं आकर्षण होतं. लता दीदींनंतर श्रेया घोषाल यांना मी माझा आदर्श मानत आले आहे. त्यांच्या हिंदी व्यतिरिक्त तेलुगू मल्याळम अश्या भारतीय भाषेतील गाण्यांची मी पारायणं केली आहेत. मी त्यांची गाणी ऐकून त्या भाषा शिकण्याचा आणि त्या भाषांमध्ये गाण्याचा प्रयत्न केला. हे सगळं मला त्या एका भेटीत आठवल़ं की आपण त्यांची गाणी एका लूपवर खूप वेळा ऐकलीत आणि त्या खुद्द आपल्या समोर आहेत.”

पुढे सावनी सांगते, “मला भरून आलं जेव्हा त्या मला स्वतःहून म्हणाल्या, की येस, मी तुला ओळखते, तुला जेव्हा राष्ट्रीय पुरस्कार मिळाला. तेव्हा मी तुला गुगल केलं. तिथे तुझ्याबद्दल संपूर्ण माहिती वाचली. तुझी गाणी ऐकली. तुला ज्या गाण्यासाठी राष्ट्रीय पुरस्कार मिळाला ते गाणं खूप शोधलं. पण मला सापडलं नाही. तेव्हा मी म्हटलं तो सिनेमा अजून प्रदर्शित झालेला नाही. त्यावर त्या म्हणाल्या, तो सिनेमा लवकर प्रदर्शित करा. मी फार उत्सुक आहे ते गाणं ऐकण्यासाठी. तेव्हा मला आनंदाने गहिवरून आलं. श्रेया जी इतक्या मोठ्या गायिका आहेत. पण तरीही त्या फार प्रेमळ आहेत. त्यांनी मला घट्ट मिठी मारली. तो क्षण माझ्यासाठी आठवणीत राहणारा होता. माझ्यासाठी ती भेट म्हणजे फॅन मोमेंट होती.”

Kalyani Gilbile, 12th July 2022:

गंभीर आर्थिक संकटाच्या जाळ्यात सापडलेल्या श्रीलंकेची परिस्थिती दिवसेंदिवस अधिकच बिकट होत चालली आहे. गगनाला भिडलेली महागाई आणि जीवनावश्यक वस्तूंचा तुडवडा यामुळे लाखों संख्येने लोक रस्त्यावर उतरून सरकारचा निषेध करत आहे. एवढेच, नव्हेतर शनिवारी असंख्य आक्रमक नागरिकांनी राष्ट्रध्यक्षांच्या सरकारी निवासस्थानांच्या घरात घुसून ताबा मिळवला आणि पंतप्रधानाच्या शासकीय निवासस्थाला आग लावली.

श्रीलंकेचे राष्ट्रपती गोटाबाय राजपक्षे यानी देश सोडून पलायन केल्याचे म्हटले जात आहे. मात्र, सरकारी यंत्रणांकडून अद्याप असा कोणताही खुलासा झालेला नाही आहे. राष्ट्रपती गोटाबाय यांनी अजूनतरी औपचारिकपणे राजीनामा दिला नसून ते अज्ञातवासात आहे, असे म्हटले जात आहे.   

श्रीलंकेची अशी बिकट परिस्थिती पहिल्यांदाच झाली असून या देशाची अर्थव्यवस्था संपूर्णपणे  तळागाळाला गेली आहे. श्रीलंकेतील सरकार जनतेच्या मूलभूत गरजा देखील पूर्ण करू शकली नाही, असे दिसून येते. श्रीलंकेची अर्थव्यवस्थाही मोठ्या प्रमाणात पर्यटन व्यवसायावर अवलंबून आहे, परंतु करोनामुळे गेली दोन वर्षे पर्यटन जवळजवळ ठप्प होते. तसेच, गेल्या वर्षी राजपक्षे सरकारने पूर्णपणे जैविक शेती करण्याचे जाहीर करून कोणतीही पूर्वतयारी न करता सर्वप्रकारचा शेतीमाल आयात करण्यावर बंदी घातली. त्यामुळे देशातील कृषी उत्पादनांवर वाईट परिणाम झाला आणि अपुऱ्या अन्नधान्य पुरवठ्यामुळे प्रचंड महागाई वाढून साठेबाजीला सुरुवात झाली. आणि साठेबाजीला नियंत्रित ठेवण्यासाठी सरकारने आणीबाणी जाहिर करून जनतेचा रोष अंगावर ओढून घेतला.         

Kalyani Gilbile – Mumbai Uncensored, 7^th June 2022

मुंबई आणि गोवा या दोन वेगवेगळ्या ठिकाणी दगडांनी डोके फोडून दोन पुरुषांची हत्या केल्याच्या आरोपाखाली एका 23 वर्षीय कचरा वेचणाऱ्या युवकाला सोमवारी अटक करण्यात आली, असे एका पोलीस अधिकाऱ्याने सांगितले. 

डीबी मार्ग पोलिस स्टेशनच्या अधिकाऱ्यांनी सांगितले की, सूरज रामसेवक यादव याने 21 जूनच्या पहाटे गिरगाव चौपाटीजवळ अचानक झालेल्या वादानंतर गजानन रामचंद्र पवार (55) नावाच्या व्यक्तीची हत्या केली आहे. 

“आम्हाला वांद्रे येथे यादवचे सीसीटीव्ही फुटेज सापडले एका स्वयंसेवी संस्थेने बेघरांना मोफत जेवण दिल्याच्या ठिकाणी तो पोहोचला तेव्हा त्याला ताब्यात घेण्यात आले. त्याने पवारांची हत्या केल्याची कबुली दिली आणि गोव्यात एका व्यक्तीची दगड ठेचून हत्या केल्याचेही कबूल केले,” असे अधिकारी म्हणाले.