Connect with us

Uncensored मराठी

बलात्कार प्रकरणी लाच घेताना ACB च्या सापळ्यात पोलीस उपनिरीक्षक अटक; लाचेमध्ये वरिष्ठांचा हिस्सा असल्याचा दिला जबाब..

Published

on

Akash Swarup Sonawane – Mumbai Uncensored, 8th March 2022

लाचलुचपत प्रतिबंधक विभाग (ACB) पथकाने ना. म. जोशी मार्ग पोलीस ठाणे येथील पोलीस उप निरीक्षक भरत मुंडे याला रुपये ७ लाख लाच घेताना बेड्या ठोकल्या आहेत. सदर अधिकारी बलात्कार प्रकरणी लाच घेत असून त्यात वरिष्ठ पोलीस अधिकारी देखील सामील असल्याची माहिती सूत्रांमधून येत आहे. यात सामील असणारा हा वरिष्ठ पोलीस अधिकारी कोण ? आणि अद्याप त्याची चौकशी का करण्यात आली नाही असा प्रश्न उपस्थित होत आहे. 

मुंबई : एनएम जोशी मार्ग पोलीस ठाण्यातील पोलीस उपनिरीक्षक भरत मुंडे याला सोमवारी लाचलुचपत प्रतिबंधक विभागाने (Anti Corruption Bureau) एका बलात्कार प्रकरणी एका इसमाला सहआरोपी न बनवण्यासाठी नातेवाईकाकडून सात लाख रुपयांची लाच घेताना पोलीस उपनिरीक्षक भरत मुंडे याला रंगेहाथ पकडले. बलात्काराचा आरोप असलेल्या व्यक्तीचे नाव गुन्ह्यातून हटवण्यासाठी त्याने ही लाच मागितल्याची प्राथमिक माहिती आहे.

एनएम जोशी मार्ग पोलिसांनी नुकतेच एका व्यक्तीला बलात्कार प्रकरणात अटक केली होती. पोलीस उपनिरीक्षक भरत मुंडे (वय ३३) हे या बलात्कार प्रकरणी तपास अधिकारी होते, सूत्रानुसार आरोपीच्या नातेवाईकांना त्यांनी ३७ लाख रुपये न दिल्यास अटक करण्याची धमकी दिली. तत्पूर्वी एसीबीच्या वरळी येथील कार्यालयात त्यांनी लेखी तक्रार दिली. 

पोलिसांनी असा दावा केला आहे की, मुंडे ने ५ लाख रुपये स्वत:साठी, २ लाख रुपये त्याच्या वरिष्ठ निरीक्षकासाठी आणि ३० लाख रुपये बलात्कार पीडितेसाठी अशी मागणी केली. एसीबीने ४ मार्च रोजी मुंडे विरुद्धच्या तक्रारीची पडताळणी केली आणि ७ लाख रुपये स्वीकारताना त्यांना पकडले. परंतु त्याच वेळी मुंडे च्या जबाबानुसार ज्या वरिष्ठ पोलीस अधिकार्यासाठी २ लाख रुपये घेतले गेले होते त्या वरिष्ठ अधिकाऱ्याला सुद्धा चौकशी किंवा अटकेत का घेतले नाही? असा प्रश्न एनसीबी वर 

महाराष्ट्रात महिला सुरक्षेच्या दृष्टीने शक्ती कायद्यासारखे कायदे असून सुद्धा बलात्कारासारख्या आरोपांमध्ये मुंबईतील काही भ्रष्ट अधिकारी जर त्यातूनही लाच घेत असतील तर प्रशासनासाठी लज्जास्पद बाब असून शक्ती कायद्यावरच प्रश्न उपस्थित होत आहेत. 

आरोपी तरुणाने दिलेल्या तक्रारीची एसीबी पथकाने खात्री करुन घेतली. त्यानंतर एसीबीने आपल्या पद्धतीने सापळा लावून भ्रष्टाचार प्रतिबंधक कायद्यान्वये भरत मुंडे याच्या विरोधात गुन्हा दाखल केला आहे. या प्रकरणाची अधिक चौकशी सुरु आहे. परंतु या सर्व प्रकरणात वरिष्ठ पोलीस अधिकाऱ्याची माहिती अद्याप उघड नसून हे प्रकरण संशयास्पद ठरते आहे. आणि या प्रकरणात आता लाचलुचपत प्रतिबंधक विभाग वरिष्ठ पोलीस अधिकाऱ्याला आरोपी करणार का हा प्रश्न उपस्थित होत आहे.

Uncensored मराठी

शिवलिंग सापडलेली जागा तात्काळ सील करण्याचे वाराणसी कोर्टाचे आदेश; वजु करण्यावरही बंदी

Published

on

Akash Swarup Sonawane – Mumbai Uncensored, 16th May 2022

काशी विश्वनाथ येथील ज्ञानवापी मशिदीतील सर्वेक्षण पूर्ण झालं आहे. कोर्टानं नेमलेल्या ऍडव्होकेट कमिशनर यांच्यामार्फत शनिवारी दिनांक १४ मे पासून हे सर्वेक्षण सुरू केलं होतं.

पाच महिलांनी एकत्र येत ज्ञानवापी मशिदीच्या मागच्या दिशेला असलेल्या शृंगार गौरीची दररोज पूजाअर्चा करता यावी अशी मागणी होती. त्यासाठी त्यांनी कोर्टात याचिका सुद्धा दाखल केली होती. तसंच त्यांनी प्लॉट नंबर ९१३० चं सर्वेक्षण आणि व्हीडिओ ग्राफीची मागणी केली होती. त्यांची ही मागणी मंजूर करत कोर्टानं सर्वेक्षण आणि व्हीडिओग्राफीचे आदेश दिले होते.

दरम्यान, सर्वेक्षणात उपस्थित असलेल्या काही वकिलांनी सर्वेक्षण संपल्यानंतर मशिदीत शिवलिंग मिळाल्याचा दावा मीडियाशी बोलताना केला आहे.

वाराणसीतील ज्ञानवापी मशिदीत सर्वेक्षणा दरम्यान मोठ्या आकाराचे शिवलिंग सापडल्याचा दावा हिंदू पक्षाच्या बाजूने केला जात आहे. वाराणसीच्या ज्ञानवापी मशिदीत शिवलिंग मिळाल्याच्या दाव्यानंतर न्यायालयाने ती जागा सील करण्याचे आदेश दिले आहेत. वाराणसी न्यायालयाने जिल्हा दंडाधिकाऱ्यांना आदेश दिले की, ज्या ठिकाणी शिवलिंग प्राप्त झाले आहे ती जागा तातडीने सील करावी आणि कोणत्याही व्यक्तीला तेथे जाऊ देऊ नये. त्याची जबाबदारी जिल्हा प्रशासन आणि सीआरपीएफकडे देण्यात आली आहे.

न्यायालयाने अधिकाऱ्यांची वैयक्तिक जबाबदारी ही निश्चित केली आहे. वाराणसी कोर्टाने आपल्या आदेशात म्हटले आहे की, ‘जिल्हा अधिकारी, पोलिस आयुक्त आणि सीआरपीएफ कमांडंट हे सील केलेल्या ठिकाणाच्या संरक्षणासाठी आणि सुरक्षेसाठी वैयक्तिकरित्या जबाबदार असतील.

वाराणसीच्या ज्ञानवापी मशिदीत सर्वेक्षण संपले असले तरीही, शिवलिंग सापडल्याच्या दाव्यांवरुन आता वादळ उठले आहे. तिसऱ्या आणि शेवटच्या दिवशी सर्वेक्षणाचे काम पूर्ण करून टीम बाहेर पडताच हिंदू पक्षांनी शिवलिंग मिळाल्याचा दावा सुरू केला. हिंदूंच्या म्हणण्यानुसार, मशिदीच्या आवारातील विहिरीत १२.८ फूट व्यासाचे शिवलिंग सापडले आहे.

मुस्लिम पक्षाने हा दावा फेटाळून लावला. शिवलिंगाच्या दाव्यावर मुस्लिम पक्षाने खंडन केले आहे. मुस्लिम बाजूचा दावा आहे की, आत काहीही सापडले नाही. दरम्यान, न्यायालयाचे आयुक्त अजय कुमार मिश्रा यांनी न्यायालयाच्या मार्गदर्शक तत्त्वांचा हवाला देत शिवलिंग प्रकरणावर मौन पाळले आहे.

ज्ञानवापीमध्ये शिवलिंग मिळण्यानंतर कोर्टाने तो परिसर सील केला आहे. तसेच, कोर्टाच्या आदेशानुसार, या परिसरात वजु करण्यावरही बंदी घालण्यात आली आहे.

Continue Reading

Uncensored मराठी

“शो” च्या नावाखाली लोकांची फसवणूक करुन धर्मांतर करणाऱ्या बलात्कारी ‘पादरी बजिंदर सिंग’ च्या मुंबई “शो” ला विरोध..

Published

on

Akash Swarup Sonawane – Mumbai Uncensored, 10th May 2022

बलात्कार, अंधश्रद्धा आणि बाल अधिकार कायद्यांतर्गत असे अनेक गुन्हे दाखल असलेला पादरी बजिंदर सिंग धर्मांतरणाच्या कार्यक्रमासाठी मुंबईत येणार असल्याने अनेक शीख व हिंदू संघटनांचा विरोध सुरु झाला आहे. तसेच जिथे अंधश्रद्धा प्रसारित करून लोकांची फसवणूक करून त्यांचे उघडपणे धर्मांतरण केले जाते अशा धार्मिक कार्यक्रमांना परवानगी मिळतेच कशी अशाही प्रतिक्रिया उमटू लागल्या आहेत. 

पादरी बजींदर सिंग हा मूळचा पंजाब चा असून तो गेली अनेक वर्ष देशभरात असे कार्यक्रम करत आहे. अनेकदा त्याच्या कार्यक्रमांना विरोधही झाला आहे. कर्करोगी, अपंग आणि अशा अनेकांना बरे करण्याचा दावा करणाऱ्या बजींदर वर आपल्या एका अनुयायीचा बलात्कार केल्याचा गुन्हा दाखल आहे. शिवाय एका लहान मुलाचा भर सभेत मानसिक शोषण करत असल्याचा व्हिडीओ हि सोशल मीडिया वर व्हायरल झाला होता, त्यासंबधीही या पादरी वर गुन्हे दाखल आहेत.

मुंबईतून काही शीख व हिंदू संघटनांनी याविरुद्ध आवाज उठवला असून पोलिसांसमोर पादरी बजिंदर सिंग विरोधात काही मुद्दे मांडून हा कार्यक्रम रद्द करण्यास सांगितले आहे. सदर कार्यक्रम ही एक धर्मविरोधी कृती असून बजिंदर सिंग खोट्या आणि दिशाभूल करणाऱ्या आश्वासनांच्या आधारे हिंदू आणि शीखांना ख्रिश्चन बनवत आहे. तसेच बाजिंदर सिंग आपल्या युट्युब चॅनेल च्या माध्यमातून जाहिरातीसाठी अपंग आणि कर्करोगी व्यक्तींना चमत्काराने बरे करण्याचा दावा करत आहे. ‘मेरा येशू येशू’ नामक मिम (विनोदी पोस्ट) इंटरनेटवर त्याच्या नावे व्हायरल झाली होती ज्यामध्ये तो एका अल्पवयीन मुलाला जबरदस्तीने धर्मांतराच्या कृतीसाठी वापरताना दिसत होता. ज्यासंबंधी राष्ट्रीय बाल हक्क संरक्षण आयोगाचे सचिव धर्मेंद्र भंडारी यांनी चंदीगडच्या उपायुक्त मनदिप सिंग ब्रार यांच्याकडे तक्रार दाखल केली होती. बजिंदर खून आणि बलात्काराच्या प्रकरणात जोडला गेला असून ‘चमत्कारिक उपचारांच्या बहाण्याने अनुयायांचे पैसे लुटल्याचा आरोपही त्याच्यावर दाखल केला गेला होता. असे या संघटनांनी तक्रारी मार्फत सांगितले आहे. 

सूत्रांच्या आधारे, तुरुंगवासाच्या काळात बजिंदर सिंग एका पादरीच्या संपर्कात आला आणि ख्रिश्चन धर्माकडे त्याचा कल वाढला. २०१८ मध्ये, पंजाबमधील झिरकपूर येथील एका महिलेवर बलात्कार केल्याप्रकरणी बजिंदर सिंगला अटक करण्यात आली होती . तो लंडनला जाण्यासाठी विमानात बसणार असताना दिल्ली विमानतळावरुन त्याला अटक करण्यात आली होती. २०१७ मध्ये परदेशात नेण्याचे आमिष दाखवून त्याने चंदीगड येथील एका महिलेवर तिच्याच घरात लैंगिक अत्याचार केला आणि त्याचा व्हिडिओ बनवून  तिला धमकावत असे. एप्रिल २०२१ मध्ये मृत मुलीला पुन्हा जिवंत करण्याचा दावा करुन तिच्या कुटुंबाकडून ८०,००० रुपये उकळले होते. मृत मुलगी ही कर्करोगाने ग्रस्त असून लहान वयातच वडीलही वारले होते. आर्थिक संकटात सापडलेल्या तिच्या भावाला पादरीकडे काम करणारी एक स्त्री भेटली व पादरीला भेटण्यास चंदीगडला बोलावले. त्यानंतर पादरीने कुटुंबाकडून पैसे उकळण्यास सुरुवात केली आणि त्यांचे धर्मांतरही केले.

अशा काही पूर्वीच्या तक्रारी, पूर्वायुष्य आणि निषेधांच्या आधारे पादरी बजींदर सिंग च्या शारीरिक तसेच मानसिक समस्यांच्या नावाखाली ख्रिश्चन धर्माव्यतिरिक्त इतर धर्माच्या लोकांना प्रभावित करण्यासाठी ‘मुंबई पीस फेस्टिवल’ आयोजित करत असून १२ मे २०२२ रोजी एमएमआरडीए ग्राउंड, बीकेसी मध्ये होणाऱ्या ‘मुंबई पीस फेस्टिव्हल’ विरुद्ध प्रतिबंधात्मक कारवाई करण्याचे आवाहन काही शीख व हिंदू संघटनांनी केले आहे.

Continue Reading

Environment

BMC : सायन हॉस्पिटलच्या हॉस्टेल मध्ये १५८ झाडांची कत्तल ?

Published

on

लोकमान्य टिळक महानगरपालिका रुग्णालय म्हणजेच मुंबईतील सायन हॉस्पिटल येथील वसतिगृहाच्या परिसरातील १५८ झाडे कापण्यास बृहन्मुंबई महानगरपालिकेकडून परवानगी..!

Akash Swarup Sonawane – Mumbai Uncensored, 9th May 2022

सुप्रसिद्ध अभिनेते सयाजी शिंदे हे वृक्ष लागवड आणि संवर्धनासाठी गेले अनेक वर्ष कार्यरत आहेत. महाराष्ट्राच्या विविध भागांमध्ये ते आपले उपक्रम राबवत असतात. वृक्षांसंदर्भात ते अतिशय संवेदनशील असल्याचे नेहमीच समोर येते. त्यांच्या या समाज कार्यातून ते बऱ्याचदा पुरस्कृत ही केले गेले आहेत. या वेळी लोकमान्य टिळक रुग्णालय, सायन म्हणजेच महानगरपालिकेचे सायन हॉस्पिटल याचे वसतिगृह व त्या परिसरात असणारी १५८ झाडे ही कापण्यात येणार असल्याचे त्यांच्या निदर्शनास आले. 

महाराष्ट्र नागरी क्षेत्र झाडांचे संरक्षण व जतन अधिनियम १९७५ कलम ८ (३) (क) मधील तरतूदीनुसार झाडे काढण्यासाठी शशांक मेंहदळे आणि असोसिएट्स यांनी बृहन्मुंबई महानगरपालिका वृक्ष प्राधिकरण विभागाकडे परवानगी साठी प्रस्ताव मांडला होता. त्या अनुषंगाने मुंबई महानगरपालिकेच्या ‘एफ/ उत्तर’ विभाग, सायन डिव्हीजन डॉ. बाबासाहेब आंबेडकर मार्ग, शहर सर्वेक्षण क्र. ६ (भाग) येथील एल.टी.एम.जी (सायन हॉस्पिटल) येथे यु.जी. हॉस्टेल व इतर महापालिका उपयुक्तता सेवा डॉक्टर वसाहतीच्या प्रस्तावित बांधकामात येणारी झाडे काढण्यास परवानगी दिली.

सयाजी शिंदे यांनी ५ मे रोजी सोशल मीडिया द्वारे माहिती देत महानगरपालिकेला ही वृक्षतोड थांबवण्याचे आव्हान केले असून यातील २ झाडे कापून झाले असल्याचे त्यांनी सांगितले. “दहशतवादी १५८ माणसांना मारणार असल्यासारखे या १५८ झाडांवर बॉम्ब टाकले जाणार असून यावरील पशु पक्षांचे संसार नष्ट होणार आहेत. तरी ही परवानगी का दिली? ती टाळता येऊ शकते का? ही झाडे वाचू शकतात का? याचा लवकरात लवकर विचार व्हावा; अन्यथा कोविड मध्ये आपण पाहिलंच सायन हॉस्पिटल मध्ये ऑक्सिजन ची अवस्था, कार्बनडायऑक्साईड घेणारे ऑक्सिजन देणारे पक्षांची निगा राखणारी झाडे का कापायची?” असे आव्हान त्यांनी ‘सह्याद्री देवराई’ या आपल्या वृक्षसंवर्धन मोहिमेमार्फत केली आहे. 

सोबतच ज्या रुग्णालयात जीव वाचवले जातात तिथं १५८ जीव मारण्याची परवानगी मिळतेच कशी? याला दुसरा काहीच पर्याय सायन रूग्णालयाकडे नाही का? मला अपेक्षा आहे नव्या वसतिगृहासाठी झाडे तोडण्याचा निर्णय रुग्णालय मागे घेईल. आपल्या एका निर्णयामुळे असंख्य पक्षांची घरटी, त्यातले छोटे जीव वाचणार आहेत. अशी हळहळ सयाजी शिंदे यांनी व्यक्त केली.

Continue Reading

Trending