Connect with us

Uncensored मराठी

…म्हणून फडणवीस म्हणाले, “शिवसेनेचे हिंदुत्व फक्त भाषणापुरतेच राहिले आहे”

Published

on

फडणवीसांचा संदर्भ देत, मालवणी मधील टिपू सुलतान क्रीडा संकुल च्या निषेधार्थ मुंबई भाजप, शिवसेना तुष्टीकरणाचे राजकारण करत असल्याची मंगल प्रभात लोढा यांची खोचक टीका..

Akash Sonawane : Mumbai Uncensored, 25th January 2022 :

मुंबई महानगरपालिका क्षेत्रामधील मालाड मालवणी परिसरामध्ये बांधण्यात आलेल्या क्रीडा मैदानाचे ‘वीर टिपू सुलतान क्रीडासंकुल’ असे नामकरण करुन सत्ताधारी काँग्रेसकडून वर्चस्व गाजवले जात असल्याचे दिसून येत आहे. स्थानिक आमदार आणि काँग्रेसचे नेते तसेच मुंबई शहराचे पालकमंत्री अस्लम शेख यांच्या मार्फत हे सर्व काम झाल्याचे फलकावरुन निदर्शनास आले आहे. दि. २६ जानेवारी प्रजासत्ताक दिनानिमित्त याचे लोकार्पण करण्यात येणार असून आशयाचे फलक मालवणी परिसरात लावण्यात आले आहेत. छत्रपती शिवाजी महाराजांच्या जाज्वल्य इतिहासाची समृद्ध परंपरा असलेल्या महाराष्ट्राच्या राजधानीत हा सर्व प्रकार घडत असला, तरी आमची हिंदुत्वाची भूमिका कायम असल्याचा आव आणणाऱ्या शिवसेनेने मात्र यावर सोयीस्कररीत्या मौन बाळगले आहे.

मालवणी परिसरात टिपू सुलतानच्या या नामकरणामुळे स्थानिक नागरिक तसेच सामाजिक कार्यकर्त्यांसह अनेक सामाजिक स्तरांमधून या प्रकाराचा तीव्र निषेध केला जात आहे. क्रीडा संकुलाच्या उभारणीला आमचा विरोध नसून टिपूच्या नावाला आक्षेप आहे, अशी आक्रमक भूमिका स्थानिकांनी व्यक्त केली आहे.

“मुंबईसह राज्यभरात काही विशिष्ट समाज घटकांचे तुष्टीकरण करण्याचे प्रयत्न महाविकास आघाडी सरकारच्या माध्यमातून केले जात आहेत. मालाड-मालवणी भागात मागील अनेक वर्षांपासून स्थानिक हिंदूंना त्या भागातून हद्दपार करण्याचे डाव आखले जात आहेत. हिंदू समाजाला छळण्याचे, त्यांच्या मालमत्तांना नुकसान पोहोचविण्याचे प्रयत्न सत्ताधाऱ्यांच्या आशीर्वादाने काही समाजघटक करत आहेत. मात्र, अशाप्रकारे मुंबई-महाराष्ट्रातील हिंदूंसह इतर कुठल्याही घटकाला अशाप्रकारे हद्दपार करण्याचे सत्ताधाऱ्यांचे मनसुबे आम्ही कदापि पूर्ण होऊ देणार नाहीत.” – आ. मंगल प्रभात लोढा, अध्यक्ष, मुंबई, भाजप

मागील काही महिन्यांपासून महाराष्ट्रात विविध ठिकाणांना टिपू सुलतानचे नाव देण्याच्या मागणीवरुन राजकारण रंगताना दिसून येत होतं. शिवसेनेच्या ‘एम-पूर्व’ प्रभाग क्र. १३६ मधील नगरसेविकेने काही महिन्यांपूर्वी गोवंडीमधील एका उद्यानाला टिपू सुलतानचे नाव देण्यात यावे, अशी मागणी केली होती. मात्र, तेव्हा या मागणीवर भाजपकडून तीव्र आक्षेप घेण्यात आला होता. हिंदूंचा क्रूर पद्धतीने छळ केलेल्या हिंदूद्वेशी टिपू सुलतानचे नाव वॉर्ड क्र. १३६ च्या उद्यानाला द्यावे, अशी मागणी शिवसेनेने केली आहे. जनाबसेनेची ही मागणी अत्यंत चमत्कारिक आहे, अशी टीका मुंबई भाजपतर्फे करण्यात आली होती. 

काँग्रेसची सत्ता असलेल्या महाराष्ट्रात आता उघडपणे टिपूचा उल्लेख वीर टिपू सुलतान असा करत त्याचे नाव क्रीडा संकुलाला देण्याचे प्रयत्न काँग्रेसतर्फे करण्यात येत आहेत. त्यामुळे कर्नाटकात शिवरायांचा अपमान आणि महाराष्ट्रात टिपूचा सन्मान अशी दुहेरी भूमिका काँग्रेसकडून घेतली जात असल्याचे दिसून येत आहे. कारण डिसेंबर २०२१ मध्ये कर्नाटकाची राजधानी असलेल्या बंगळुरुमध्ये छत्रपती शिवाजी महाराजांच्या पुतळ्याची विटंबना करण्याचा घृणास्पद प्रकार करण्यात आला होता. या सर्व प्रकारात स्थानिक काँग्रेस नेत्यांचा अप्रत्यक्ष, तर काही काँग्रेस कार्यकत्यांचा थेट सहभाग असल्याचे आरोप प्रत्यारोप करण्यात आले होते.

सदरील संकुलाच्या कामाला एक वर्षांपासून सुरुवात करण्यात आलेली आहे. या मैदानात टेनिस, क्रिकेट खेळण्याची सुविधा करून देण्यात आली आहे. मात्र, महत्त्वपूर्ण बाब म्हणजे हे मैदान कांदळवनाच्या जागेवर भराव टाकून अनधिकृतरित्या उभारण्यात आले आहे. या सर्व प्रकाराला स्थानिक लोकप्रतिनिधींसह काही वरिष्ठ नेत्यांचाही आशीर्वाद आहे, अशी भूमिका काही स्थानिक नागरिकांनी नाव न घेण्याच्या अटीवर दै. ‘मुंबई तरुण भारत’ या वृत्तसंस्थेशी बोलताना मांडली.

Uncensored मराठी

Sri Lanka crisis – श्रीलंकेतील गंभीर आर्थिक संकट; आणि राष्ट्रध्यक्ष अज्ञातवासात

Published

on

Kalyani Gilbile, 12th July 2022:

गंभीर आर्थिक संकटाच्या जाळ्यात सापडलेल्या श्रीलंकेची परिस्थिती दिवसेंदिवस अधिकच बिकट होत चालली आहे. गगनाला भिडलेली महागाई आणि जीवनावश्यक वस्तूंचा तुडवडा यामुळे लाखों संख्येने लोक रस्त्यावर उतरून सरकारचा निषेध करत आहे. एवढेच, नव्हेतर शनिवारी असंख्य आक्रमक नागरिकांनी राष्ट्रध्यक्षांच्या सरकारी निवासस्थानांच्या घरात घुसून ताबा मिळवला आणि पंतप्रधानाच्या शासकीय निवासस्थाला आग लावली.

श्रीलंकेचे राष्ट्रपती गोटाबाय राजपक्षे यानी देश सोडून पलायन केल्याचे म्हटले जात आहे. मात्र, सरकारी यंत्रणांकडून अद्याप असा कोणताही खुलासा झालेला नाही आहे. राष्ट्रपती गोटाबाय यांनी अजूनतरी औपचारिकपणे राजीनामा दिला नसून ते अज्ञातवासात आहे, असे म्हटले जात आहे.   

श्रीलंकेची अशी बिकट परिस्थिती पहिल्यांदाच झाली असून या देशाची अर्थव्यवस्था संपूर्णपणे  तळागाळाला गेली आहे. श्रीलंकेतील सरकार जनतेच्या मूलभूत गरजा देखील पूर्ण करू शकली नाही, असे दिसून येते. श्रीलंकेची अर्थव्यवस्थाही मोठ्या प्रमाणात पर्यटन व्यवसायावर अवलंबून आहे, परंतु करोनामुळे गेली दोन वर्षे पर्यटन जवळजवळ ठप्प होते. तसेच, गेल्या वर्षी राजपक्षे सरकारने पूर्णपणे जैविक शेती करण्याचे जाहीर करून कोणतीही पूर्वतयारी न करता सर्वप्रकारचा शेतीमाल आयात करण्यावर बंदी घातली. त्यामुळे देशातील कृषी उत्पादनांवर वाईट परिणाम झाला आणि अपुऱ्या अन्नधान्य पुरवठ्यामुळे प्रचंड महागाई वाढून साठेबाजीला सुरुवात झाली. आणि साठेबाजीला नियंत्रित ठेवण्यासाठी सरकारने आणीबाणी जाहिर करून जनतेचा रोष अंगावर ओढून घेतला.         

Continue Reading

Uncensored मराठी

मुंबई आणि गोव्यात दोन जणांची दगडाने हत्या केल्याप्रकरणी कचरा वेचकाला पोलिसांकडून अटक

Published

on

Kalyani Gilbile – Mumbai Uncensored, 7th June 2022

मुंबई आणि गोवा या दोन वेगवेगळ्या ठिकाणी दगडांनी डोके फोडून दोन पुरुषांची हत्या केल्याच्या आरोपाखाली एका 23 वर्षीय कचरा वेचणाऱ्या युवकाला सोमवारी अटक करण्यात आली, असे एका पोलीस अधिकाऱ्याने सांगितले. 

डीबी मार्ग पोलिस स्टेशनच्या अधिकाऱ्यांनी सांगितले की, सूरज रामसेवक यादव याने 21 जूनच्या पहाटे गिरगाव चौपाटीजवळ अचानक झालेल्या वादानंतर गजानन रामचंद्र पवार (55) नावाच्या व्यक्तीची हत्या केली आहे. 

“आम्हाला वांद्रे येथे यादवचे सीसीटीव्ही फुटेज सापडले एका स्वयंसेवी संस्थेने बेघरांना मोफत जेवण दिल्याच्या ठिकाणी तो पोहोचला तेव्हा त्याला ताब्यात घेण्यात आले. त्याने पवारांची हत्या केल्याची कबुली दिली आणि गोव्यात एका व्यक्तीची दगड ठेचून हत्या केल्याचेही कबूल केले,” असे अधिकारी म्हणाले.

Continue Reading

Uncensored मराठी

दिंडोशी मेट्रो स्थानकाचे नाव पठाणवाडी करावे याप्रकरणी एमएमआरडीएला हायकोर्टाचे आदेश, दोन आठवड्यात प्रतिज्ञा सादर करण्याची मागणी

Published

on

पश्चिम उपनगरातील मेट्रो-७ वरील स्थानकाच्या नामांतरावरून वाद निर्माण झाला आहे. दहिसर पूर्व ते अंधेरी पूर्व या मार्गावरील मेट्रो स्थानकाचे नाव दिंडोशी ऐवजी पठाणवाडी करावे अशी मागणी करत ’नई रोशनी’ या  सेवाभावी संस्था करत आहे. ऍडव्होकेट अल्ताफ खान यांच्यामार्फत हायकोर्टात धाव घेत जनहित याचिका दाखल केली आहे. मात्र, याचिकेवर सुनावणी हवी असल्यास १६ जूनपर्यंत एक लाख रुपये जमा करा, असे निर्देश मुख्य न्यायमूर्ती दीपांकर दत्ता व न्या. मकरंद कर्णिक यांच्या खंडपीठाने संस्थेला दिले आहेत. खंडपीठाने याप्रकरणी दोन आठवड्यात प्रतिज्ञापत्र सादर करण्याचे एमएमआरडीएला आदेश देण्यात आले आहेत. 

२०१० मध्ये केंद्र सरकारने मालाड येथील मेट्रो स्थानकाला पठाणवाडी नाव देण्याचे निश्चित करण्यात आले होते. परंतु, २०२० दरम्यान राजकीय दबावापोटी एमएमआरडीएच्या आयुक्तांनी स्थानकाचे नाव दिंडोशी केले. एमएमआरडीएच्या नियमानुसार, एखाद्या ठिकाणी दोन मेट्रो स्थानकं येणार असतील तर दुसऱ्या ठिकाणी त्या परिसरातील ऐतिहासिक किंवा अतिपरिचित नावं देण्यात येते. त्यासाठी तेथील वाडी, पाडे यांचा विचार केला जातो. मेट्रो २ मध्ये मालाड स्थानक असल्यामुळे मालाड पूर्व येथील मेट्रो ७ च्या स्थानकाला पठाणवाडी हे परिसरातील परिचित नाव देण्याचे निश्चित करण्यात आले होते.

दुसरीकडे, मेट्रो स्थानक जवळ एक उड्डाणपूल असून तो पठाणवाडी या नावाने ओखळला जातो. तेथील बेस्टच्या थांब्यालाही पठाणवाडी हेच नाव आहे. त्यामुळे मेट्रो स्थानकाला सुद्धा पठाणवाडी असे नाव द्यावे अशी याचिकेतून विनंती करण्यात आली आहे. दिंडोशी हा परिसर या मेट्रो स्थानकापासून साधारणतः दीड किलोमीटर लांब असल्यामुळे या मेट्रोने प्रवास करणाऱ्या प्रवाशांची गैरसोय होऊ शकते. तसेच, स्थानकाच्या नावामुळे त्यांची गफलत देखील होऊ शकते, असा दावा याचिकेतून करण्यात आला आहे.

सदर याचिकेवर गुरुवारी मुख्य न्या. दीपांकर दत्ता आणि न्या. मकरंद कर्णिक यांच्या खंडपीठासमोर सुनावणी पार पडली. तेव्हा याचिकाकर्त्यांनी एक लाख रुपये अनामत रक्कम भरल्याची माहिती खंडपीठाला दिली. तसेच, न्यायमूर्तीनी याची दखल घेत एमएमआरडीएच्या ऍड. अक्षय शिंदे यांना प्रतिज्ञापत्र दोन आठवड्यात सादर करण्याचे आदेश देण्यात आले.

Continue Reading

Trending