Connect with us

Uncensored मराठी

BMC 2022 : मुंबई महापालिकेत काँग्रेसचे नगरसेवक आणि विरोधी पक्ष नेते ‘नंबर वन’ वर..

Published

on

मागील चार वर्षांतील कामगिरीच्या जोरावर काँग्रेसचे नगरसेवक रवी राजा यांनी मुंबई महापालिकेतील सर्वांत कार्यक्षम नगरसेवक बनून पहिला क्रमांक पटकावला आहे.

Akash Sonawane : Mumbai Uncensored, 21 January 2022

प्रजा फाऊंडेशनने मुंबई महापालिकेतील नगरसेवकांच्या कामगिरीचा आढावा घेत संयुक्त प्रगती पुस्तक प्रसिद्ध केले. सदर अहवालानुसार पालिकेचे विरोधी पक्ष नेते आणि काँग्रेसचे नगरसेवक रवी राजा पहिल्या क्रमांकावर, शिवसेनेचे समाधान सरवणकर दुसऱ्या क्रमांकावर आणि तिसऱ्या क्रमांकावर भाजपचे हरीश छेडा यांची निवड झाली. 

‘प्रजा’ च्या प्रगती पुस्तकात २०१७ ते २०२१ पर्यंत नगरसेवकांच्या कामगिरीचा आढावा घेतला आहे. या प्रगती पुस्तकात ‘प्रजा’ ने विविध निकषांची गोळाबेरीज केली असता महापालिकेतील एकूण नगरसेवकांपैकी केवळ १०% म्हणजेच फक्त २२ नगरसेवकांचा ‘अ’ आणि ‘ब’ श्रेणीत समावेश आहे. तर उर्वरीत नगरसेवक क, ड, ई आणि फ श्रेणीत समाविष्ठ झाले आहेत. या संपूर्ण प्रगती पुस्तकात एकंदरीत प्रथम श्रेणी मिळवलेल्या नगरसेवक रवि राजा यांची काही वैशिष्ठे जाणून घेऊ :

“लोकप्रतिनिधी”

कोविड काळात मुंबई महापालिकेने विकेंद्रित पद्धतीने काम करण्यासाठी वॉर्ड स्तरीय ‘कोविड वॉर रुम’ सुरु केले, ज्यामध्ये काही नगरसेवकांनी महत्त्वाची भूमिका निभावली. जसे, स्थानिक पातळीवर प्रभावीपणे काम करणे, नागरिकांपर्यंत पोहोचणे, कार्यक्षमतेने त्यांच्या प्रश्नांचे निराकरण करणे इत्यादी ‘रवि राजा’ यांनी एक लोक प्रतिनिधी म्हणून यशस्वीपणे पार पाडले.

“विरोधी पक्ष नेता”

कोविड मुळे सुरू झालेल्या टाळेबंदीच्या काळात जे मदतकार्य झाले त्यात सर्वच नगरसेवक सक्रिय झाले होते. तातडीची मदत लोकांपर्यंत पोहोचावी याकरिता महापालिकेच्या अधिकाऱ्यांनी तसेच त्यांच्या नगरसेवकांनी समन्वयाने काम केले. मात्र असेच समन्वयातून केलेले काम दीर्घ काळ करत राहणे जरुरीचे होते आणि रवी राजा हे त्याचे अचूक उदाहरण बनले. यासाठी स्थानिक लोकप्रतिनिधींनी कशाप्रकारे नियमित बैठका कराव्या तसेच एक विरोधी पक्ष नेता म्हणून शासनाला उत्तरदायित्व सिद्ध करण्यास कसे भाग पाडावे तरच हे शक्य होऊ शकेल हे सुद्धा त्यांनी त्यांच्या कृतीतून सिद्ध केले.

“कौशल्यपूर्ण नगरसेवक”

लॉकडाऊन सुरु असताना काही काळ नियमित बैठका व चर्चा पूर्णपणे थांबल्या होत्या, काही दिवसांनंतर तंत्रज्ञानाच्या सहाय्याने ऑनलाईन स्वरुपात पुन्हा सुरु झाल्या. महामारी असो वा नसो, कोणत्याही परिस्थितीत तंत्रज्ञानाचा प्रभावी वापर करुन कामकाजाची गुणवत्ता आणि बैठकांची संख्या दोन्हीही वाढवणे गरजेचे होते. हे लक्षात घेऊन काळाच्या गरजेनुसार कार्यपद्धतीत बदल घडवून आणण्याचे कौशल्य सुद्धा ‘रवि राजा’ यांनी दाखवले.

एप्रिल २०१७ ते मार्च २०२० या काळात महिन्याला सरासरी २४ वॉर्ड बैठका घेण्यात आल्या. तर ऑक्टोबर-डिसेंबर २०२० या दरम्यान जेव्हा वॉड स्तरीय बैठका ऑनलाईन स्वरुपात झाल्या तेव्हा ही संख्या महिन्याला सरासरी २८ अशी होती. तसेच एप्रिल २०१७ ते मार्च २०२२ या काळात वॉर्ड समित्यांच्या २१ बैठका, वैधानिक समितीच्या ३२ बैठका, सर्वसाधारण सभेच्या ७ बैठका दरमहा झाल्या. तंत्रज्ञानाचा वापर करुनही बैठक संख्या व चर्चेची गुणवत्ता वाढत होती आणि अधिक समावेशक पद्धतीने निर्णयप्रक्रिया सुरु होती. रवि राजा यांनी या सर्व बैठकांमध्ये वक्तशीरतेने उपस्थिती तसेच एक जबाबदार नगरसेवक म्हणून प्रश्न उपस्थित करुन त्याचा पाठपुरावा देखील केला.

“गुणवत्ता यादी”

१. संपूर्ण प्रगती पुस्तका आधारे – ८१.१२% – ‘अ’ श्रेणी – पहिला क्रमांक
२. प्रश्न मांडणी – १८५ प्रश्न – अ’ श्रेणी – तिसरा क्रमांक
३. प्रश्नांची गुणवत्ता – ६७.०४% – सहावा क्रमांक
४. समस्यांशी निगडित प्रश्न – ‘अ’ श्रेणी
५. निधी चा वापर – ८५% – ‘अ’ श्रेणी
६. बैठकींमध्ये उपस्थिती – ‘ब’ श्रेणी
७. गुन्हेगारी नोंद – ०० – ‘अ’ श्रेणी

संबंधित यादीच्या आधारे बृहन्मुंबई महानगरपालिकेचे सर्वश्रेष्ठ नगरसेवक झाल्याबद्दल ‘रवि कोंडू राजा’ यांचे हार्दिक अभिनंदन.

Uncensored मराठी

Sri Lanka crisis – श्रीलंकेतील गंभीर आर्थिक संकट; आणि राष्ट्रध्यक्ष अज्ञातवासात

Published

on

Kalyani Gilbile, 12th July 2022:

गंभीर आर्थिक संकटाच्या जाळ्यात सापडलेल्या श्रीलंकेची परिस्थिती दिवसेंदिवस अधिकच बिकट होत चालली आहे. गगनाला भिडलेली महागाई आणि जीवनावश्यक वस्तूंचा तुडवडा यामुळे लाखों संख्येने लोक रस्त्यावर उतरून सरकारचा निषेध करत आहे. एवढेच, नव्हेतर शनिवारी असंख्य आक्रमक नागरिकांनी राष्ट्रध्यक्षांच्या सरकारी निवासस्थानांच्या घरात घुसून ताबा मिळवला आणि पंतप्रधानाच्या शासकीय निवासस्थाला आग लावली.

श्रीलंकेचे राष्ट्रपती गोटाबाय राजपक्षे यानी देश सोडून पलायन केल्याचे म्हटले जात आहे. मात्र, सरकारी यंत्रणांकडून अद्याप असा कोणताही खुलासा झालेला नाही आहे. राष्ट्रपती गोटाबाय यांनी अजूनतरी औपचारिकपणे राजीनामा दिला नसून ते अज्ञातवासात आहे, असे म्हटले जात आहे.   

श्रीलंकेची अशी बिकट परिस्थिती पहिल्यांदाच झाली असून या देशाची अर्थव्यवस्था संपूर्णपणे  तळागाळाला गेली आहे. श्रीलंकेतील सरकार जनतेच्या मूलभूत गरजा देखील पूर्ण करू शकली नाही, असे दिसून येते. श्रीलंकेची अर्थव्यवस्थाही मोठ्या प्रमाणात पर्यटन व्यवसायावर अवलंबून आहे, परंतु करोनामुळे गेली दोन वर्षे पर्यटन जवळजवळ ठप्प होते. तसेच, गेल्या वर्षी राजपक्षे सरकारने पूर्णपणे जैविक शेती करण्याचे जाहीर करून कोणतीही पूर्वतयारी न करता सर्वप्रकारचा शेतीमाल आयात करण्यावर बंदी घातली. त्यामुळे देशातील कृषी उत्पादनांवर वाईट परिणाम झाला आणि अपुऱ्या अन्नधान्य पुरवठ्यामुळे प्रचंड महागाई वाढून साठेबाजीला सुरुवात झाली. आणि साठेबाजीला नियंत्रित ठेवण्यासाठी सरकारने आणीबाणी जाहिर करून जनतेचा रोष अंगावर ओढून घेतला.         

Continue Reading

Uncensored मराठी

मुंबई आणि गोव्यात दोन जणांची दगडाने हत्या केल्याप्रकरणी कचरा वेचकाला पोलिसांकडून अटक

Published

on

Kalyani Gilbile – Mumbai Uncensored, 7th June 2022

मुंबई आणि गोवा या दोन वेगवेगळ्या ठिकाणी दगडांनी डोके फोडून दोन पुरुषांची हत्या केल्याच्या आरोपाखाली एका 23 वर्षीय कचरा वेचणाऱ्या युवकाला सोमवारी अटक करण्यात आली, असे एका पोलीस अधिकाऱ्याने सांगितले. 

डीबी मार्ग पोलिस स्टेशनच्या अधिकाऱ्यांनी सांगितले की, सूरज रामसेवक यादव याने 21 जूनच्या पहाटे गिरगाव चौपाटीजवळ अचानक झालेल्या वादानंतर गजानन रामचंद्र पवार (55) नावाच्या व्यक्तीची हत्या केली आहे. 

“आम्हाला वांद्रे येथे यादवचे सीसीटीव्ही फुटेज सापडले एका स्वयंसेवी संस्थेने बेघरांना मोफत जेवण दिल्याच्या ठिकाणी तो पोहोचला तेव्हा त्याला ताब्यात घेण्यात आले. त्याने पवारांची हत्या केल्याची कबुली दिली आणि गोव्यात एका व्यक्तीची दगड ठेचून हत्या केल्याचेही कबूल केले,” असे अधिकारी म्हणाले.

Continue Reading

Uncensored मराठी

दिंडोशी मेट्रो स्थानकाचे नाव पठाणवाडी करावे याप्रकरणी एमएमआरडीएला हायकोर्टाचे आदेश, दोन आठवड्यात प्रतिज्ञा सादर करण्याची मागणी

Published

on

पश्चिम उपनगरातील मेट्रो-७ वरील स्थानकाच्या नामांतरावरून वाद निर्माण झाला आहे. दहिसर पूर्व ते अंधेरी पूर्व या मार्गावरील मेट्रो स्थानकाचे नाव दिंडोशी ऐवजी पठाणवाडी करावे अशी मागणी करत ’नई रोशनी’ या  सेवाभावी संस्था करत आहे. ऍडव्होकेट अल्ताफ खान यांच्यामार्फत हायकोर्टात धाव घेत जनहित याचिका दाखल केली आहे. मात्र, याचिकेवर सुनावणी हवी असल्यास १६ जूनपर्यंत एक लाख रुपये जमा करा, असे निर्देश मुख्य न्यायमूर्ती दीपांकर दत्ता व न्या. मकरंद कर्णिक यांच्या खंडपीठाने संस्थेला दिले आहेत. खंडपीठाने याप्रकरणी दोन आठवड्यात प्रतिज्ञापत्र सादर करण्याचे एमएमआरडीएला आदेश देण्यात आले आहेत. 

२०१० मध्ये केंद्र सरकारने मालाड येथील मेट्रो स्थानकाला पठाणवाडी नाव देण्याचे निश्चित करण्यात आले होते. परंतु, २०२० दरम्यान राजकीय दबावापोटी एमएमआरडीएच्या आयुक्तांनी स्थानकाचे नाव दिंडोशी केले. एमएमआरडीएच्या नियमानुसार, एखाद्या ठिकाणी दोन मेट्रो स्थानकं येणार असतील तर दुसऱ्या ठिकाणी त्या परिसरातील ऐतिहासिक किंवा अतिपरिचित नावं देण्यात येते. त्यासाठी तेथील वाडी, पाडे यांचा विचार केला जातो. मेट्रो २ मध्ये मालाड स्थानक असल्यामुळे मालाड पूर्व येथील मेट्रो ७ च्या स्थानकाला पठाणवाडी हे परिसरातील परिचित नाव देण्याचे निश्चित करण्यात आले होते.

दुसरीकडे, मेट्रो स्थानक जवळ एक उड्डाणपूल असून तो पठाणवाडी या नावाने ओखळला जातो. तेथील बेस्टच्या थांब्यालाही पठाणवाडी हेच नाव आहे. त्यामुळे मेट्रो स्थानकाला सुद्धा पठाणवाडी असे नाव द्यावे अशी याचिकेतून विनंती करण्यात आली आहे. दिंडोशी हा परिसर या मेट्रो स्थानकापासून साधारणतः दीड किलोमीटर लांब असल्यामुळे या मेट्रोने प्रवास करणाऱ्या प्रवाशांची गैरसोय होऊ शकते. तसेच, स्थानकाच्या नावामुळे त्यांची गफलत देखील होऊ शकते, असा दावा याचिकेतून करण्यात आला आहे.

सदर याचिकेवर गुरुवारी मुख्य न्या. दीपांकर दत्ता आणि न्या. मकरंद कर्णिक यांच्या खंडपीठासमोर सुनावणी पार पडली. तेव्हा याचिकाकर्त्यांनी एक लाख रुपये अनामत रक्कम भरल्याची माहिती खंडपीठाला दिली. तसेच, न्यायमूर्तीनी याची दखल घेत एमएमआरडीएच्या ऍड. अक्षय शिंदे यांना प्रतिज्ञापत्र दोन आठवड्यात सादर करण्याचे आदेश देण्यात आले.

Continue Reading

Trending